متنزه سوق الشيوخ .. /عمكم طاهر-ذي قار

 بسم الله الرحمن الرحيم
وقل اعملوا فسيرى الله عملكم ورسوله والمؤمنون وستردَّون إلى عالم الغيب والشهادة فينبئكم بما كنتم تعملون .....!شوفوا هذا الحجي الله كاله مو واحد منّا ومنّا .....؟
وكل واحد يشتغل لازم ايفكر زين , إذا هو غافل , الله سبحانه وتعالى ترى مو غافل يسمع وايشوف , وشوف الله وسمعه ترى مو مثل شوفنه , هو ايشوف السمج ابطن البحر وايشوف الدوده بين الصخر ,وايسمع كل شي حتى الدوده يسمع صوتها , وماكو واحد يشتغل وين ما جان ترى الله ايشوفه ديروا بالكم ,
يوم من الايام آنا وابن اخوي رايحين السوك الشيوخ عدنا شغل و ركبنه بالكيّه ومشت بينه السياره من الناصريه صوب سوك الشيوخ وانشوف من الجامه مرت السيارة بآلبو عظم , وبعد الفضليه وجزت السياره أم العباس سلام الله على أبو فاضل العباس بن أمير المومنين بس هي هاي مو امه امه مدفونه بالمينه بالسعوديه , تالي لمن وصلنا كبل سوك الشيوخ كال لي بن اخوي : عمي هاي منتزه سوك الشيوخ كتله ولك وينها كال: هاي كتله خوش خل ننزل نتونس اشويه بيها وبعدين انروح للسوك لاحكين , كلنا للسايق : نازل وكفت السياره ونزلنا , كتله ولك وين المنتزه ؟ كال هاي , كتله ولك ما اشوف شي , لمن وصلنا للمنتزه كلت لابن اخوي : ولك خل اكعد شويه كعدت ومديت رجليه وضحكت لمن طكت بطني هههههههههههههههههههههههههههههههههههههههههههههههه ههههههههههههههه هههههههه وادموعي كامت اتصب من الضحج ولك هاي غير منتزه ,
عمي انت الهندس تضحك على روحك لو على الوادم عمي انت ما تدري الله ايشوفك بس يمكن انت ما اتعرف الله زين , لو اتعرف ربك جا خفت منا , والله عيب على كل واحد ما يشتغل عدل وما ينصح , عمي اشتغل عدل احسن الك , باجر ما تفيدك الفوس من اتنام بالكبر , الله يستر من ذيج النكره وذيج النومه , علي بن ابي طالب عليه السلام ايكول : الكبر لو حفره من حفر النار , لو روضه من الجنان , وانتم اختاروا , نلكاكم باجر وي عمكم طاهر