شجاك الموت/ماجد حميد الدبياني
شجاك الموت
... الى اختي المرحومة ام زينب
اخ يا جلمة أخت ... جنها نار بلا جوي
جنها صوت من الدفو...يهمس ويصدلي دوي
اخ يا خيتي الحنينه ...كلشي بحسابي هوي
بس مال بجادرج الطم...هذا بحسابي خوي
كَلبج ابيض يا رجيجه ...شلون يرضى يرجوي
دفنت كَبلج زمن ابيض...وما نزل دمعي يري
ومن دفنتج يا عزيزة ... صارت الدنيا عري
دموع تبجي الناس لاجلج...وانا ينزل دم طري
نذر ابجي العمر كله...بس فدوة رديلي جر