اجتثاث صعود الكوستر (حديث الكوستر)/ قاسم بلشان التميمي

سائق الكوستر فرحان الغضبان يوجه كلامه الى الركاب ( العبرية) قائلا ( عمي اي واحد يحجي حجي يعني كلام ما يعجني سوف أشمله بقرار اجتثاث صعود الكوستر) ، فقال له احد الركاب ( يابه ابو غضب شنو هذا قانون اجتثاث صعود الكوستر) فقال له فرحان الغضبان ( رجاء بدون فلسفة والكل ينفذ ثم لا يناقش !!) ، فقالت احدى النساء في الكوستر ( دادا فرحان انت صدك تحجي لو جذب حتى كلامك نفذ ثم ناقش يذكرنا ب ؟ ) ، لكن فرحان الغضبان قاطعها قائلا ( شوفي حجية اني كلت نفذ ولاتناقش بمعنى انا ضفت للعبارة مال ال ؟؟ لا وهي اكبر لا عرفتها الانسانية !!) فتدخل راكب في السبعين من العمر في الحديث قائلا ( يابه فرحان حتى هاي اكبر لا هم مالت ال ؟؟) فرد فرحان الغضبان بالقول ( يابه هسه انتم شتردون انا بكيفي واسوي اي شي أريده هي كم يوم واني مودع ! ) واضاف فرحان الغضبان ( شو العينتين من يجتث ويمنع ماكو واحد يحجي وموبس هاي حتى من يحجي على بعض الناس ويصفهم ما يفتهمون وما يفقهون شي شو ولا واحد منكم فتح حلكه ورفع صوته ) وانتهت حلقة اليوم مع تساؤلات الركاب ماذا يقصد فرحان الغضبان بكلامه ( هي كم يوم واني مودع) وقال احدهم ( بس لا فرحان الغضبان يقصد العينتين !! وانتهاء قاعدة الجدر ما يتركب الا على ثلاثة وكافي على صاحبنا أثنين !!. طبعا الركاب ما يقصدون الولاية الثالثة لرئا .......!!